ក្តៅៗ! មកដឹងតម្លៃម៉ូតូ PCX 160 និង PCX Hybrid ២០២១ ទើបប្រកាសចេញហ៊ុយៗ
ក្តៅៗ! មកដឹងតម្លៃម៉ូតូ PCX 160 និង PCX Hybrid ២០២១ ទើបប្រកាសចេញហ៊ុយៗ
ក្រុមហ៊ុន Honda បានប្រកាសចេញម៉ូតូ PCX ស៊េរីឆ្នាំ២០២១ ជាផ្លូវការនៅក្នុងប្រទេសជប៉ុន ដោយមានរហូតដល់ទៅ ៣ ម៉ូដែល គឺ PCX125, PCX160 និង PCX e: HEV។ម៉ូតូ PCX ថ្មី ទាំង ៣ម៉ូដែលនេះនឹងមានការឌីហ្សាញដូចគ្នាទាំងស្រុង ប៉ុន្តែខុសលក្ខណៈពិសេសមួយចំនួន។ វាមានបំពាក់ចង្កៀងមុខ LED, ភ្លើងបំភ្លឺពេលថ្ងៃ LED, របាំងការពារខ្យល់ធំ, ចង្កៀងក្រោយរាងអក្សរ X ឌីហ្សាញបែប 3D, កែប២ជាន់, បូមក្រោយថ្មី, កុងទ័រ LED ថ្មី ចែកចេញជា ៣ផ្នែក, រន្ធសាកភ្លើង USB Type-C និង ប្រព័ន្ធ Smartkey។
PCX125 និង PCX160 មានឃ្លុបក្រោមកែបចំណុះ ៣០លីត្រ ខណៈម៉ូដែល PCX e: HEV (ប្រើម៉ាស៊ីន Hybrid) មានតែ ២៤លីត្រប៉ុណ្ណោះ។
PCX125 និង PCX160 បំពាក់ម៉ាស៊ីន eSP ទំហំ ១ស៊ីឡាំង មានធុងទឹកស្អំ និង ប្រើប៊ិចសាំង Fi ដូចគ្នា គ្រាន់តែមួយមានកម្លាំង ១២៥សេសេ និងមួយទៀតមានកម្លាំង ១៦០សេសេ។ ដោយឡែកចំពោះ PCX e: HEV វិញ គឺប្រើម៉ាស៊ីន Hybrid ដោយគួបផ្សំម៉ាស៊ីនកម្លាំង ១២៥សេសេ ជាមួយម៉ូទ័រអគ្គិសនី និងកញ្ចប់អាគុយអគ្គិសនីមួយ។
ម៉ូតូ Honda PCX ឆ្នាំ២០២១ ក៏មានមុខងារ HSTC torque control system, ហ្វ្រាំង ABS, ហ្វ្រាំងឌីស, កាំមុខ ១៤អ៊ីញ និង កាំក្រោយ ១៣អ៊ីញ។ Honda PCX125, PCX160 និង PCX e: HEV ឆ្នាំ២០២១ នឹងមានលក់នៅប្រទេសជប៉ុន ចាប់ពីថ្ងៃទី២៨ ខែមករា ឆ្នាំ២០២១ ជាមួយតម្លៃ ៣ ៤០០ដុល្លារ, ៣ ៩០០ដុល្លារ និង ៤ ៣០០ដុល្លារ៕
0 Response to "ក្តៅៗ! មកដឹងតម្លៃម៉ូតូ PCX 160 និង PCX Hybrid ២០២១ ទើបប្រកាសចេញហ៊ុយៗ"
Post a Comment