គ្មានឱកាសរៀនសកល យុវជនរូបនេះ ឆ្លៀតរៀន IT ក្រៅសាលា អាចរកលុយ មិនចាញ់គេឡើយ
គ្មានឱកាសរៀនសកល យុវជនរូបនេះ ឆ្លៀតរៀន IT ក្រៅសាលា អាចរកលុយ មិនចាញ់គេឡ
ត្រឹមវ័យជាង ២០ឆ្នាំ លោក កេស ថៃ បច្ចុប្បន្នគឺជាម្ចាស់យីហោហាងកាហ្វេមួយកន្លែង នៅក្នុងក្រុងសៀមរាប និងជាអ្នកសរសេរកូដឯករាជ្យមួយរូប ផងដែរ។ ថ្មីៗនេះ លោកបានចំណាយពេលវេលា និងថវិកាមួយចំនួន បង្កើតអេបមួយមានឈ្មោះថា Towntalk ដើម្បីជួយដល់អ្នកធ្វើការ និងអ្នករកស៊ី។
នៅក្នុងបទសម្ភាសន៍ជាមួយ Business Cambodia លោក កេស ថៃ បានរំលឹកដល់អតីតកាលរបស់ខ្លួនយ៉ាងដូច្នេះថា លោកគឺជាក្មេងប្រុសម្នាក់ ដែលកើតក្នុងគ្រួសារក្រីក្រ ហើយមានចិត្តស្រលាញ់ផ្នែកបច្ចេកវិទ្យាទាំងពីនៅតូចៗ ប៉ុន្តែដោយសារជីវភាពគ្រួសារ លោកក៏បានបង្ខំចិត្តឈប់រៀនត្រឹមថ្នាក់ទី១២។
លោកបានបន្តថា ក្រោយពីឈប់រៀនភ្លាម លោកបានដើររកការងារធ្វើ និងបានសន្សំលុយមួយចំនួន រួចយកទៅបើកកន្លែងលក់កាហ្វេមួយកន្លែង នៅក្នុងក្រុងសៀមរាប ដែលនៅទីនោះ លោកមានដីបន្តិចបន្តួចជារបស់ខ្លួនឯង។ លោក កេស ថៃ បានរៀបរាប់បន្តថា នៅពេលអាជីវកម្មលក់កាហ្វេរបស់លោក មានការរីកចម្រើន បន្តិចម្តងៗ លោកក៏សម្រេចចិត្ត ដកប្រាកចំណេញមួយចំនួន វិនិយោគលើការសិក្សាផ្នែកព័ត៌មានវិទ្យា ឬយើងគ្រប់តែងហៅថាជំនាញ IT រហូតដល់ចំណាយលុយអស់ជិត ៥ពាន់ដុល្លារ។
យុវជនតស៊ូរូបនេះ បានបន្ថែមថា ពេលលោករៀនជំនាញអាយធីដំបូងៗនោះ គឺមានការពិបាកខ្លាំងមែនទែន ព្រោះដោយសារលោកខ្សោយភាសាអង់គ្លេស។ លើសពីនេះ លោកធ្លាប់ត្រុវបានគ្រូបង្រៀនបោកប្រាស់អស់លុយយ៉ាងច្រើនថែមទៀតផង ទម្រាំលោកអាចចេះសរសេរកូដបានច្រើន ដូចសព្វថ្ងៃនេះ។
លោក កេស ថៃ បានបង្ហើបដែរថា សព្វថ្ងៃនេះ លោកអាចរកចំណូលបានច្រើនគួរសម ពីការបង្កើតវេបសាយ និងកម្មវិធីមួយចំនួនឱ្យអតិថិជន។ ដោយឡែក ការបង្កើតអេប Towntalk នេះ គឺលោកចង់ឱ្យកូនខ្មែរ ជឿដឹងថា ខ្មែរយើងក៏អាចបង្កើតអេបល្អៗបាន មិនចាញ់បរទេសនោះឡើយ ព្រោះអេបដែលលោកបង្កើតនេះ គឺអាចឱ្យអ្នកប្រើប្រាស់ ធ្វើការសន្ទា ផ្ញើរឯកសារ និងរូបភាពផ្សេងៗ បានច្បាស់ល្អបំផុត។ លោក កេស ថៃ បានសង្កត់ធ្ងន់ថា នៅថ្ងៃអនាគត លោកចង់ឃើញអេបមួយនេះ មានអ្នកប្រើកាន់តែច្រើន និងក្លាយជាកម្លាំងចិត្តមួយ ជំរុញឱ្យយុវជនខ្មែរ ហ៊ានបង្កើតអ្វីដោយខ្លួនឯង ៕
0 Response to " គ្មានឱកាសរៀនសកល យុវជនរូបនេះ ឆ្លៀតរៀន IT ក្រៅសាលា អាចរកលុយ មិនចាញ់គេឡើយ"
Post a Comment