សម្ដេច ផ្ដល់អនុសាសន៍ឱ្យក្រសួងអប់រំ យកពិន្ទុឆមាសទាំងពីរ ជា «លទ្ធផលនៃការប្រឡងបាក់ឌុបសិស្សទី១២»

 សម្ដេច ផ្ដល់អនុសាសន៍ឱ្យក្រសួងអប់រំ យកពិន្ទុឆមាសទាំងពីរ ជា «លទ្ធផលនៃការប្រឡងបាក់ឌុបសិស្សទី១២»

 យោងតាមសេចក្តីថ្លែងការដោយផ្ទាល់របស់ សម្តេច តេជោ ហ៊ុន សែន នាព្រឹកមិញនេះបានឱ្យដឹងថា​ បើទោះបីជាព្រឹត្តិការណ៍ ២៨ វិច្ឆិកា អាចគ្រប់គ្រងបានក៏ពិតមែន ប៉ុន្តែមិនមានន័យថាបានបញ្ជាប់នោះទេ។ហើយព្រឹត្តិការណ៍នេះនឹងនៅបន្តរហូតទៅដល់ចុងខែមករា ។ ប៉ុន្តែប្រសិនបើស្ថានភាពស្ងប់ស្ងាត់ទៅវិញមុនពេលកំណត់ ការប្រឡងនឹងត្រូវប្រព្រឹត្តិទៅតាមការព្រៀងទុក តែបើបញ្ហានៅតែបន្ត សម្តេចឱ្យក្រសួងពិចារណារៀបចំការប្រឡងនៅតាមវិទ្យាល័យរៀងៗខ្លួន និង ឱ្យក្រសួងអប់រំ ពិចារណា យកពិន្ទុឆមាសទាំងពីរ ធ្វើជា “លទ្ធផលនៃការប្រឡងបាក់ធុបសិស្សទី ១២”តែម្តង។

យ៉ាងណាមិញ សម្តេច តេជោ បានមានប្រសាសន៍ថា ប្រសិនបើក្រសួងអប់រំយល់ស្រប គួរតែរៀបចំរឿងទាំងនេះពីពេលនេះទៅឱ្យហើយ ដើម្បីផ្តល់ភាពងាយស្រួលរបស់សិស្សានុសិស្សកុំឱ្យមានការរង់ចាំយូរបន្តទៅទៀត។

គួរបញ្ជាក់ផងដែរថា នេះគ្រាន់តែជាការលើកឡើងរបស់សម្ដេចតេជោ ហ៊ុន សែន ទៅកាន់ក្រសួងអប់រំយុវជន និងកីឡាប៉ុណ្ណោះ ប៉ុន្ដែការសម្រេចទៅជាយ៉ាងណា យើងមិនទាន់ដឹងនៅឡើយទេ៕